Swanirmit uljhano ko suljhane ki khoj mein kitna laachar hai aadmi...
kabhi is khoj se thak ke baithe huey kisi raahi se pucha hai aap ne, ki khoj kitni sarthak thi??
raahi kya bataye jisey manzil ka he pata nahi..
kya karey wo raahi jisey har raah he manzil dikhati hai..
kya karey wo raahi jab sagar ki halahal se bhari assankhya lahrey kheecti hai usey apni or...
raahi ko sagar ki lahrein apne antar man me chal rahi bhanwaron se lagti hai.. aur wo apne
swabhaw se badhya badh chalta hai uski or...
tat pe bane asaankhya ret ke gharonde raahi ke manas patal ki pratibimb hai...
ban na aur mitna... khilna aur murjhana...
ye chakra yahan anginat baar dohraye jaate hain...
raahi ret ko ek murt roop de ke ithlata hai...
ek pal ke liye wo gharonda uski jeevan ki aastha prateet hoti hai..
jaisey aasthaein vibhin hoti hain waisey he tat pe bane gharonde ka roop bhi...
magar kahin door beech... sagar mein bhi kuch raahio ka hujoom tat ki or badha hai...
Aur tat ki or aati ufanti sagar ki ye lahrein na jaat dekhti hain na rang aur naa he dharm...
Ek pal mein asankh chote chote jeevan se sarabor chahat ke gharonde sunya mein sama jaate hain...
Main sochta hoon ye jeevan ka prarambh hai ya anth??
aap kya scohte ho....
Ek bhukhtbhogi Raahi...
Amit Upadhyay
